Ringnot har størst potensial for sirkularitet

Illustrasjon av ringnot. Av Reinhard – Eget verk (https://commons.wikimedia.org/w/index.php?curid=9749010)

Ein ny vitenskapeleg artikkel frå Shift-Plastics viser at ringnot har størst potensial for sirkularitet, følgd av trål og snurrevad, medan garn, line, teiner og ruser er mest utfordrande å handtere i samsvar med prinsippa for sirkularitet.

Artikkelen, som har tittelen “Comparing the end-of-life circularity potential of commercial fishing gear deployed in Norway by applying multi-criteria decision analysis (MCDA)” blei publisert i tidsskriftet Marine Pollution Bulletin.

Forlatne, tapte eller på annan måte kasserte fiskereiskapar er ei av dei mest skadelege formene for marin forsøpling globalt, og fører til uoppretteleg skade på livet i havet og økosystema. Difor blir det no utforma og implementert globale og regionale retningsliner for å avgrense tilførselen av fiskereiskapar til det marine miljøet, noko som understrekar viktigheita av sirkulær handtering av fiskereiskapar etter at levetida deira er over.

Studien som blir presentert i artikkelen, samanliknar potensialet for sirkulær handtering av dei seks mest brukte kommersielle fiskereiskapane i Noreg, for å identifisere korleis den ulike samansetjinga til reiskapen påverkar forvaltningsalternativa deira.

Hovudfunna frå analysen som vart nytta i denne studien, viser at ringnot har størst potensial for sirkularitet, følgd av trål og snurrevad, medan garn, line, teiner og ruser er mest utfordrande å handtere i samsvar med prinsippa for sirkularitet. Konklusjonen er gjort med tanke på økonomisk og miljømessig berekraft, samt kor gjennomførleg teknologisk handtering av reiskapane vil være etter at levetida deira er over.

Til slutt i artikkelen blir nokre politiske implikasjonar av desse funna diskuterte, særleg med tanke på kva rolle dei kan spele.